دخان تونس أفخر أنواع النفخان
بعد لنتار بالمعارف ، و اللّيجار المقطوع ، و السّواقر المضروبه ، و الكرطوشه المطبوعه .. اليوم الدّخان ولّى ممنوع و الشّريكة بركت
و يا عالم عاللّيدين الممدودة تغمّس .. طالبه الشّعول بركا ولاّ الباكو بكلّو و الوقيدة معاه و زيد من فوق يديّات لعروسة تشعّل للمعلّم في كلّ نفيّس
بين حرقان الجواجي و تطرشيق لعصاب و تشوشيط الممتلكات العامّة .. ما عندك في الهمّ ما تختار يا مضبّب
حتّى السّيقارو اللّي كنت راشقو في قرنك عامل عليه الكيف .. طاح و راح و تِكْما واتجيّف .. و صبحت خفيّف عفيّف .. لا حشيشة لا نفّه
في عيدك يا حرّية وطني .. أشعل هاذي السيجارة
و أنفخ نخبك ملء رئتي المعتلّة
فمن يدري .. علّها تكون آخر سجائرنا المستقلّة
3 commentaires:
ياسر بليدة،
مافهمتها كاملة كان ما قريتها ثالث مرّة
طالبة الكرتوشة كاملة مش كان الباكو والشعول
خويا سيجارة مرحبا بيك و شكرا على التعليق
هاذي التدوينة لولا إلّي استوحيتها من زيارتي إلـمدوّنتك
و الثانية (موضوع الإحتجاج إلي حكيتلك عليه) هاي جايّه في الثنيّه مازلت انبرقش فيها
و سامحني كان جوجمتك بالقراءة و إعادة القراءة .. الله غالب الكلنا انحاولو نتكلّمو و انعبّرو بالمتاح و المسموح بيه من هاك التّريّف متاع الكليمات إلّي ماتجيش في شطر قاموسنا اللّغوي .. مجبور نستعمل "المِتِكْلام" أو الحديث المشفّر في عوض التصريح الواضح مكره أخاك لا بطل
Enregistrer un commentaire