2009-12-30

لحمر، الرسوم الأوليّة الأولى


حصريّا
هذه نظرة مقتضبة عن الرّسومات الأوّليّة الأولى عن للشّخصيّات الكاريكاتورية التي ستؤثّث مغامرات صديقنا لحمر
La7mer

كيما تنجمو تلاحظو الأشغال جارية و حثيثة .. و ساعات موش على قدم و ساق بل على وحدة ونصّ نظرا لأنّو الفورما يخزيها تحظر واتغيب

نتمنّى بكل صدق إني نلقى الوقت .. و الوقت الطيّب .. و راحت البال و برشة ضمار و شويّة همّ .. باش نتوصّل انكمّل الرّسومات الأوّليّة الأساسيّة لثلاثة على الأقل من الشخصيّات إلّي في بالي قبل موفّى شهر جانفي .. وعلاش لا نتمكن من إخراج أوّل رسم متكامل رسميّا في الأسبوع الأوّل للسّنة الجديدة

لحقيقة نعترف و أقرّ أنّو سي لحمر و صحابو طال بيهم المخاض .. كيما نعترف أنّ الرّسومات إلّي سبقلي ونشرتهم على هذه المدوّنة ماهمشي من أرقى الرّسومات الكاريكاتورية ولا هوما من أحسن ما يمكنني تقديمه و لا ليهم علاقة بالرسومات إلّي نخمّم فيهم و الشخصيّات إلي إختلقتهم في خيالي

كنت ومازلت لحد الساعة هاذي خايف .. موش من المواضيع إلي نحب نحكي فيها و إنّما خايف لا يتمخض الجبل ليلد فأرا .. خايف لنحمّل لحمر أكثر ممّ يتحمّل .. خايف لنردّو يشبّهلي .. خايف لنولّي نشبّهلو .. خايف عليه و منّو

خايف من توقّعاتي من أمانيّ من أحلامي منّو .. خايف لا نوصل بيه لطريق مزدود بعد ما نصرف عليه من وقتي و جهدي الكثير الكثير كيما صارلي سابقا مع مدوّناتي السّابقة إلّي أعدمتها تلقائيّا .. ليبعث لحمر .. من جديد

على كل حال

أيّها المواطنون و المواطنات .. الإفتراضيون و الإفتراضيّات .. أرجو من كل قلبي لكلّ من هو في الإصغاء و كل من هو متابع لهذه المدوّنة أنّه سيكون أحد الشاهدين المحظوظين على ميلاد محاولة ثرية مفيدة و ممتعة على طول السّنة الوليدة القادمة

ألقاكم بخير في السنة القادمة إنشالله

لحمر، الرسوم الأوليّة الأولىSocialTwist Tell-a-Friend

2009-12-28

سنة سعيدة


أحلى الأماني بمناسبة العام الجديد
سنة سعيدةSocialTwist Tell-a-Friend

2009-12-20

ورقة و ستيلو



سؤال محير

بربي سؤال محيرني و مالقيتلوش جواب شافي ضافي و ياريت لو واحد من القريبين من ميدان الصحافة و المطلعين على القوانين ينورني

سؤالي بسيط لاكن هام

هل يوجد فرق في (نظر القانون و السلطة) بين صحفي و مدوّن ؟

معلوم إنو فمة لوايح و قوانين للصحافة و الصحافيين لكن هل يوجد نوع من نص صريح مماثل يحدد للمدوّن آش يلزمو ما يقولش نوعا ما ؟

بالله إلي عندو إطلاع على ها الموضوع ينورنا بتدوينة شافية بكل أمانة و تجرد من اي انتماء أو خلفية

مع الشكر

ورقة و ستيلوSocialTwist Tell-a-Friend

2009-12-13

لو كنت الشابي لتمنيت أن أكون هايشة بكمة


موقع اليوتوب المعبي برشة بالتفاهة و الريق البارد .. معبي زاده ياسر بالنوادر و الجواهر
هذي وحدة من أروع المقاطع الموجودة على الموقع .. بالجد حاجة روعة + موش نورمال + من ورا لعقل .. سميه كيما تحب آما كي تتفرج فيه ما نتصورش تنساه .. مخك ياقف و حبتلك بش تعاود ترجع إلحالتك العادية

بإختصار مقطع نادر جدا صورو صدفة توريست هاوي في محمية طبيعية إفريقية حسدوه عليه أكبر المصورين المحترفين .. المقطع حقيقي يعني ماهوش مذرح ولا مركب .. أول ما سمعت بيه كان على القناة التفزية الأمريكيةالمختصة في البرامج الوثائقية

National Geographic

جابو مختصين و دكاترة و باحثين عملولهم طاولة و كراسي و طاحو يشرحوا في الشي إلي شافوه على المقطع لقصير تقريب ساعة و نص بالطبيعة تحليلهم كان علمي و مفصل للشقيقة و الرقيقة .. وانا نخزر كاشخ و تحليلي للحكاية كان غير تحليلهم

لحقيقة شي يبهت و بصراحة بخست روحي كبشر و طحت انراجع في دروسي و مبادئي .. زعمة آشكون أرجل الهوش ولا بنادم .. أشكون أسمى و أحق في تسخير الآخر إلخدمتو .. شكون و شكون .. و كيفاش يا رسوله و ها ربي حنّي ؟

هاو علاش أبو القاسم الشابي مات صغير .. هاو علاش نبح نبح عيط عيط في اللّخر هز رويحتو و طلع للجبل يحكي مع البك و الشجر و الحيوانات

المقطع موجود في اليوتوب شافوه ملايين و اسمو

Battle at kruger

برجولية أنا وليت إنشك إلي صار تحريف في قصايدو بعد ماريت المقطع
هذا .. موش الشعب آما لهوايش .. إذا أرادت يوما الحياة

لو كنت الشابي لتمنيت أن أكون هايشة بكمةSocialTwist Tell-a-Friend

2009-12-11

حقوق الإنسان


أهوكا إلي في بالو يعلم إلي عامل روحو مافيبالوش

كل عام واحنا محترمين يا تونس

حقوق الإنسانSocialTwist Tell-a-Friend

معمل لفلوس يقدم : رشيدْ الرّشيق




تزامنا مع اليوم العالمي لمكافحة التشحيم معمل لفلوس قدملنا أيامات التالي الورقة الجديدة بو خمسين دينار تونسي .. إي نعم 50 باكو واحد كح بح دينار ينطح دينار

مالا مرحبا بسي رشيدْ الرّشيق .. خفّه و رشاقه مع الزوّالي لا علاقة ! و إنشالله هاذاك حد الباس
معمل لفلوس يقدم : رشيدْ الرّشيقSocialTwist Tell-a-Friend

2009-12-10

اليوم العالمي لمكافحة التشحيم



٩ ديسمبر هو اليوم العالمي لمكافحة الفساد .. قالّك ٣٠٠ مليار دولار من فلوس لعرب مشات في الجّعالة .. آما تونس قالّك لاباس ما عنّاش كي العاده
اليوم العالمي لمكافحة التشحيمSocialTwist Tell-a-Friend

2009-12-08

فأولى - وحق النساء في تعدد الأزواج




موضوع تعدد الزوجات إستفاض فيه الدارسون و المفسرون و العلماء منذ الأزل و لازالوا كل يغني على ليلاه
أما حديثي عن هذا الموضوع .. هنا والآن و بهذا الأسلوب القح .. مرده تدوينة استوقفتني لأحد المدونين التونسيين الذي نشر على صفحته ردا على مدون آخر من مصر (على ما أضن)

لم أكن من المتابعين لحوارهما المشحون بخلفيات عدة على ما يبدو .. ولكن فيما فهمت .. أن أخونا المصري (إذا) كان قد كتب أولا عن هذه المسألة علق عليه صاحبنا التونسي في رد لم يرق لصاحب الأطروحة الألمعية فقام بحجب التعليق
عمد صاحبنا التونسي بنشر تعليقه على مدونته إحتجاجا و تسجيلا لموقفه و إبلاغا لصوته ورأيه (المفعم بتونسيته) و لما هممت بالتعقيب عليهما وجدت الأبواب موصودة .. نقلت على مسودتي ما كتبت و قفلت عائدا لصفحتي خائبا مكسورا .. ثم فكرت أن أنشر تعقيبي على التعقيب تخفيفا للمرارة .. و تعميما لما يمكنه أن يفيد إن كان فيما كان عندي إفادة

أما الجدال الرئيس .. فقد حام حول بضع كلمات مفصولة من جملةٍ مقضومة .. من آية بيّنة تم عزلها عن سورة .. ميسّرة .. تم إبعدها عن كتاب محكم حكيم
ثم اشتد وطيس النقاش و البيان .. و عُلّق الأمر الجلل على تعليقة ذنب حرفٍ .. حرف "الواو" .. ولو كانت للحروف العربية أنصاف و أرباع كما في جملنا الموسيقية .. لطال الإتهام حد النشاز و الخروج عن النّوته

أما الجملة البتورة .. نبع النقاش فهي : "و مثنى و ثلاث و رباع"
كذا شاء الإخوة الأفذاذ .. واستفاضوا زيادة و نقصانا .. و جمعا و طرحا .. فتبريحا في ذاك الحرف المسكين حتى أني خلت نفسي أراه يترنح تحت وزر ما حملوه على ظهره ! سكت الحرف شاهقا و تكلمت القراءات في زفير طويل طويل

نظرت إلى الحرف مشفقا .. وناداني المنادي أن انزع قفازيك و غص لإنقاذه عسى أن يكون لك فيه أجرا غزيزا. لبيت محاولا إبعاد المناظير عنه مشيرا بإصبعي لحرف آخر سابقه ف .. و كلمة كانت الأولى فأولى ثم آيات و كتاب .. فقلت و ما سمعوا

في رأيي .. كان من الأجدر بادئا البحث في معنى "فأولى" و التبصر في دور حرف ال"ف" وانعكاسه على باقي الجملة حتى يتيسر الوصول لشرح الواو .. ثم التوقف عند الألفاض المختارة لإبلاغ المعنى حيث قال تعالى مثنى و ليس إثنين وقس على ذلك

ثم إنه لمن قصر البصر بتر الآية الكريمة عن مجمل مقاصد السورة .. و لمن ضيق البصيرة عدم الأخذ في الحسبان بالأسباب و المسببات الزمكانية للنزول .. و هنا مربط الفرس حسبما أرى

أعتقد جازما أن أمر تعدد الزوجات قد عف عليه الزمن منذ أمد غير قصير .. و أن البحث فيه في زمننا المعاصر هو أقرب للغباء ومضيعة الوقت منه لأي شيء آخر .. و السبب بسيط .. ديمغرافيا و اقتصاديا واجتماعيا وعمليا و واقعيا أصبح الزواج بأكثر من واحدة أمرا مستحيلا

كان المجتمع المسلم و المجتمعات الآهلة لتلك الأرض و في ذاك الزمان مجتمعات "مقاتلة" لا تقعد عن حرب حتى تخوض أخرى .. و حروب ذاك الزمان ما كانت تخاض بالأزرار و عن بعد .. بل كر و فر و خيل و سيوف و رماح و أنهار دماء.

و الخلل الديمغرافي كان سائدا .. وفرة و كثرة في النساء و قلة و علة في الرجال .. قلت "علة" بإعتبار أن الرجال إن عادوا من ساحات الوغى ما كانوا يعودون دائما سليمين معافين .. علاوة على أنهم عادة ما كانوا يرجعون مثقلين بالجواري الأسيرات المستعبدات من ذوي القبائل و المجموعات المنهزمة في الحروب.
كان لا بد من إيجاد حل عملي إقتضاه الظرف لوفرة النسوة و قلة الكسوة ! دون نسيان الثكالى و الأرامل و اليتامى و إعادة إدماجهم في حياة تلك المجتمعات .. علاوة على إدماج الجواري وفرض حلول للإنعتاق من العبودية

أما اليوم فنحن نعيش زمن القعود عن الحروب .. وإن شنت حرب فبأزرار و قنابل لا تفرق بين جنس أو عرق أو عمر .. المجتمعات المسلمة اليوم نسبيا .. متوازنة النسب الجنسية .. فإن أراد كل منا نكاح المثنى فالرباع لاحتجنا لاستيراد نساء من مجرات أخرى ! أو تهجين أنواع جديدة من أناثي القردة

ثم ماذا لو نظرنا إلى التركيبة الإجتماعية والديمغرافية لدولة كالصين .. و في الصين ملايين المسلمين .. وفي الصين سياسات لتحديد النسل تفرض على كل زوج بشري الحق في إبن واحد لا أكثر .. و الكل يريد ذكرا .. و الأغلبية تمارس الوأد. وهو ما خلف كارثة و اختلالا في التركيبة الديمغرافية للصين .. وفرة ذكور و ندرة إناث .. فيا أيها الفقيه العالم المؤمن بحتمية ووجوب الرباع و أكثر .. تخيل للحضة أنك مفتي الصين فبما تفتي ؟ أبتعدد الزوجات للرجال .. أم تعدد الأزواج للنساء؟ ورجاءا بدون مساحيق و كلام أجوف .. ورجاءا لاتقل أن قراءات السلف العطرين لحنيف الدين صالحة لكل مكان و زمان إلا في الصين.

فالفرق المزري بيننا و بين الغرب أن "باباهم" حين يفتي فللبشرية جمعاء يقوم خطيبا .. وأما نحن فلنا "بابا" و إماما و خطيبا في كل زاوية و ركن .. و حين يفتون لا يبالون بغير أهل الحي و العشيرة والمذهب .. والأدهى في فتاويهم أنهم يستثنون بضيق فكرهم أنصاف دينهم و مفتاح جنتهم و الأمانة في الإصغاء لأنات نصف الأمة

لست مفتيا و لا أدعي ان لي في الفقه باعا و ذراعا .. و لا أتمنى أن أصبح كذلك .. ولو كنت مسؤولا في الصين لأبحت (عقلا و قياسا) أكثر من زوج للصينيات لمن استطاعت إليه سبيلا .. و ما ملكت أيمانهن .. علّ الرجال هناك تتوب في حياء عن التنكيل بالبنات و هن رضع .. أما هنا .. فالبادئ أظلم و ذاك موضوع آخر
فأولى - وحق النساء في تعدد الأزواجSocialTwist Tell-a-Friend

2009-12-06

Kaspersky fait le buzz


Avec cette parodie sur le fameux lancé de chaussure du jounaliste irakien Montadhar Az-Zaïdi sur George W Bush .. Kaspersky (antivirus) surf sur la vague du buzz énorme qu'a causé dernièrement la vidéo de la conférence de presse tenue à Paris par Mountazer Al-Zaïdi

J'en profite pour faire du trafic sur mon blog en attedant que je termine le travail sur les sketch de mon personnage.

Kaspersky fait le buzzSocialTwist Tell-a-Friend

2009-12-05

دربي العاصمة



ربي يعدي هالدربي على خير .. و ما يصيرش الي صار بين دزاير و مصر ..
انشالله ما يمشي حتى جبري للستاد و ما يتقلبش الطرح من فرحة و جو لسبان و ضارب و مضروب .. حز فك سيب خوك .. شلابق دز تعفيس نطرة و همجية

وقتاش يجي النهار الي نقبلو فيه لخسارة كيما الربح .. ولي تخسر جمعيتو يخلص قهوة من قلبو موش بغصة .. وقتاش نفيقو الي معركة زاما و حرب الجلاء ما صاروش في ستاد .. وقتاش توفا حرب البسوس بين ولاد لبلاد ؟
الله يهدي الجبورة الي ردوها كره موش حب في الكورة



دربي العاصمةSocialTwist Tell-a-Friend

2009-12-04

كليمتين خفاف نظاف - ما بيستحو



ما بيستحو

ما بيستحو .. بعدن عم يجرحو .. بعدن عم يدبحو بعدن .. لا الدني مش هايك
حلوي الدني .. و هني قلبن على بعدن .. خوفن على بعدن .. هايك الحقيقة هايك

لايش البشر صاير قلبن حجر يعني .. بالمختصر يا دمعة عيوني ارجعي
باي ثمن بيبيعو و يشترو بعدن .. بيكفي حزن يا عيني لا تدمعي

يلي بيزرع حقد قلي كيف بيحصد ورد قلي .. وكيف بيقدر على مخدي يغمض عيونو
ويلي بيسرق بلد قلي كيف بيحمي ارض قلي .. ول امنو على الحق كيف قادر يخونو


أغنية من تأليف وألحان وغناء "زياد برجي" يشاركه في الغناء "سارة الهاني" أخذ هذا المقطع من برنامج حديث البلد على قناة MTV

كليمتين خفاف نظاف - ما بيستحوSocialTwist Tell-a-Friend

2009-12-01

رد بالك على روحك




رد بالك على روحك

المصدر : سمعت الخبر في نشرة اخبار الجزيرة اليوم في نص النهار
رد بالك على روحكSocialTwist Tell-a-Friend